Pananaliksik

 Nasasaad sa ulat ng IMMAP noong 2014, isa sa tatlong Pilipino  ang gumagamit ng internet. Sa taong 2014, sinasabing mahigit 38 milyong  Pilipino ang gumagamit ng internet at karamihan sa mga ito ay mga kabataan o  may edad 30 pababa. Noong Setyembre 2014, mahigit 22 milyong Pinoy ang  gumagamit ng kanilang Facebook mula sa kanilang mga smartphone. Pinapatunayan  ng mga datos na ito na karamihan sa mga Pilipino ay gumagamit ng social media  at nagiging parte na ito ng kanilang pang-araw-araw na buhay.   

          Sa pag-unlad  ng social media ay  umusbong ang mga  pidgin tulad ng “jejemon” at “bekimon”. Nawawala at naaalis ang mga  tradisyunal na wikang Filipinong salita sa pag-usbong ng mga ganitong wika  dahil nauuso ang mga “jejemon” at “bekimon”  at nalalaos naman ang makalumang Filipino. Ayon kay Virgilio Almario,  “Parang fashion lang ‘yan, uso-uso. Kapag hindi nagbago ang lengguwahe at  sumunod sa uso, mamatay ito.”

                Ang isyung nais bigyan ng pansin ng  proponent ay ang pagkalimot ng ating makalumang Filipino dahil mas patok sa  preference ng bagong henerasyon ngayon ang mga wikang “jejemon” at “bekimon”.  Nais naming bigyang pansin at solusyon ang suliraning kinahaharap ng wikang  Filipino  na dala ng modernong panahon.  Nais ng mga proponent na isabay ang wikang Filipino sa galaw ng panahon at  preference ng mga bagong henerasyon.                 

Filipino Klasik: Ibida sa Modernong Panahon           Nasasaad sa panimula na umuusbong  ang mga modernong salita tulad ng “jejemon” at “bekimon” sa panahong  kasalukuyan at nalalaos naman ang sinaunang salita o mga klasikong salita.  Ang adbokasiyang Filipino Klasik: Ibida sa Modernong Panahon ay may  layuning ipasok sa preference ng bagong  henerasyon at modernong  panahon ang  mga klasikong Filipinong salita upang ito ay mas mapag-unlad pa.   

Malaking porsyento sa populasyon ng mga  Pilipino ang gumagamit ng social media. Sa paggamit nila ng social media ay  naaapektuhan ang kanilang preference. Nauso pa ang mga “jejemon” at “bekimon”  na naging dagok sa wikang Filipino dahil sa pagtangkilik ng maraming kabataan  sa mga ito. Ang pahayag ni Virgilio Almario ang nagmulat sa mga proponent  upang bigyang pansin ang suliraning nalalaos ang wikang Filipino sa  pag-usbong ng mga modernong salita. Ang wikang Filipino ay sariling atin,  hindi dapat ito nalalaos bagkus ay pinagyayaman at pinag-uunlad.

Ang pangunahing mithiin ng mga proponent  ay pagyamanin at mapanatili sa modernong panahon ang mga sinaunang salita ng  wikang Filipino. Nais ng adbokasiyang ito na maunawaan ng modernong  henerasyon ang kahalagahan ng makalumang Filipino at isali ito sa kanilang  preference upang patuloy itong gamitin sa kabila ng mga umuusbong na mga  bagong salita tulad ng “jejemon” at “bekimon”. Naniniwala ang mga proponent  na tatangkilikin ng mga modernong henerasyon ang wikang Pambansa.

Ang mga proponent ay naghanda ng mga  layuning magiging daan upang makamit ang nakasaad na mithiin:

1.     Mahikayat ang mga kabataan na gamitin  ang sinaunang wikang pambansa sa pamamagitan ng social media.

2.         Pagyamanin  ang kaalaman ng bagong henerasyon sa wikang Filipino sa pamamagitan ng social  media o blog bilang midyum upang mag-bigay araw-araw ng isang lumang salita  na may buong detalye tulad ng depinisyon ng salita.

      Ang konseptong papel na ito ay nagmimithing pagyamanin at mapanatili  ang makalumang Filipino sa modernong panahon. Naglalayon itong gamitin ang  social media bilang isang midyun sa pagpapalalim sa kaalaman ng bagong  henerasyon sa wikang pambansa. Ito ang mga hakbang na isasagawa ng mga  proponent upang maisakatuparan ang mga ito: 

  1. Gagawa ang mga proponent ng isang page sa social media kung saan sa  pamamagitan ng nito ay mas madaling mapapalawak at maipapaalam sa nakararami  ang aming page na ginawa.

  2. Gamit ang page, magbibigay araw-araw ang mga proponent ng mga lumang  salita na may kasamang depinisyon at ipopost ito sa nasabing page. 

  3. Magsasagawa ng isang online quiz bee o kaya online contest na  patungkol sa mga lumang salita kung saan lahat ay maaring makilahok.  

      

 Ito ang isang halimbawa ng mga salitang ipopost  ng nasabing page:

                    Matapos magawa ang mga hakbang na nakasaad sa konseptong papel na  ito, inaasahan ng mga proponent ang mga sumusunod:    

     1. Mababawasan ang mga suliranin sa  komunidad na dulot ng mga karatulang nakasulat noon sa wikang Ingles dahil  mas madali ng maunawaan ang mga pahayag ng mga karatula.     

    2. Mas lalawak pa ang paggamit ng mga  karatulang Filipino na nagsimula sa kani-kaniyang komunidad ng mga proponent  dahil ito ay naging solusyon sa maliliit na suliraning kinakaharap ng  komunidad.  
3. Inaasahang susuportahan ang  adbokasiyang ito ng iba pang mga grupong naghahangad ng pagbabago at  kaunlaran ng wikang pambansa at ang kaayusan ng komunidad sa paraan ng  paggamit ng makalumang wika.